لو حدثت تطبيق واتس آب لأخر إصدار سواء كنت بتستخدم نظام تشغيل آندرويد أو “آي.أو.إس”، هتقدر تستخدم أحدث مميزات تم إضافتها للتطبيق.
دلوقتي تقدر تخفي معلومات زي آخر ظهور وصورتك الشخصية لجهات إتصال معينة، وده تحديث للميزة السابقة اللي كانت بتسمحلك إما بإتاحة المعلومات للجميع أو منعها عنهم. لكن آخر تحديث هتقدر تحدد جهات اتصال معينة اللي تسمحلها او تمنع عنها المعلومات المذكورة.
- الطريقة:
- تأكد من تحديث التطبيق لآخر إصدار.
- افتح التطبيق واختار التلات نقاط في زاوية الشاشة.
- اختار إعدادات.
- اختار الحساب، ثم الخصوصية.
- في كل خانة من سواء آخر ظهور أو الصورة الشخصية هتلاقي اختيار جديد هو: “جهات اتصالي ما عدا”.
- اختار الجهات التي تريد استثنائها من عرض المعلومات سواء صورتك أو آخر ظهور على التطبيق.
جدير بالذكر إن واتس آب بتطور ميزة منع عرض حالتك كـ”متصل” خلال استخدامك للتطبيق، علمًا بأنها ميزة متوفرة من مدة طويلة على تطبيق: “سيجنال”.
